LOAG CITY – Balligi a natiliw dagiti agkabsat gapo iti panaglako da ti iligal a droga iti naiyuswat a drug buy-bust operation iti ili ti Badoc.
Segun kenni Police Captain Elison Pasamonte, ti chief of police ti Philippine National Police – Badoc, dagiti suspek ket agtawen ti 33, awanan ti asawa ken ti kabsat na nga agtawen ti 36, naasawaan ken barangay tanod iti ili da.
Inbatad na kabayatan ti operasyon ket naglako dagiti suspek ti maipagarop nga iligal a droga isut gapo na a natiliw dagitoy.
Nakumpiskar met dagiti otoridad ti dua a sachet ti maipagarop nga iligal a droga.
Mainaig iti daytoy, kuna ni Pasamonte a dagiti suspek ket karaman da kadagiti drug surenderees ken street level individuals.
Kabayatanna, maipinpinal metten dagiti dokumento para iti pannakaipila ti kaso a panaglabsing iti Republic Ac 9165 wenno Comprehensive Dangerous Drugs Act of 2022.
