LAOAG CITY – Natiliw dagiti dua a lallaki kalpasan a nakarekobre dagiti kamneg ti PNP-Pasuquin nga idadaulwan ni Police Chief Inspector Roldan Suitos ti dua a sachet ti maipagarop a shabu, maysa a bala ken dua a klase ti deadly weapon iti panagresponde da ti komosyon idiay Barangay 1 iti nasao nga ili.
Nabigbig dagiti suspek a da Esmeraldo Cuepo y Rebocal, agtawen ti 23, naasawaan ket ti kabsat na a ni Lester rebocal y Cuepo, agtawen ti 26.
Narekobre dagiti kameng ti PNP-Pasuquin manipud kenni Ezmeraldo ti maysa a bala ti saan pay a mabigbig a kalibre, dua a sachet a naglaon ti maatap a shabu ken personal a kwarta na.
Naala met kenni Lester ti dua a klase ti deadly weapon, maysa a buneng ken maysa a kutsilyo.
Mainaig iti daytoy, rumrumwar a ti agnagan ti Dexter Cuepo y Batuyong, agtawen ti 43 ket maipagarop a pinal-palek bayat ti komosyon a rason ti nakaitarayan na iti ospital.
Nagtalinaed met dagiti suspek iti kustudiyar ti PNP-Pasuquin.
