LAOAG CITY – Kinumpirmaran ni Police Major Vencioly Luzano, ti chief of police ti PNP-Pasuquin ti pannakatiliw dagiti dua nga agkabsat gapo iti kaso da a murder.
Segun kenni Luzano, natiliw dagiti agkabsat idi pagtaengan da iti Baraangay Pancian iti ili ti Pagudpud.
Ummuna iti daytoy, adda dagiti nakita da a nabayagen a kopya ti warrant of arrest rason nga inberipikar da iti Regional Trial Court iti ili ti Bangui.
Kunana a kalpasan ti panag-validate da ket dagus da nga inserbi ti warrant ot arrest kadagiti dua nga agkabsat a sumangsango ti kaso a murder.
Inbatad ni Luzano a ti warrant of arrest ket napetsaan ti Setyembre 21, 1994 ken pinirmaan ni Hon. Rodolfo U. Manzano, ti presiding Judge iti RTC Branch 19 iti ili ti Bangiui iti dayta a tawen.
Mainaig iti daytoy, kunana a mabalin nga idi naamoan dagiti dua nga adda ti warrant of arrest da ket naglemmeng dagitoy.
Kabayatanna, naamoan a maymaysa nga insidente ti nakairamanan dagiti agkabsat.
