LAOAG CITY – Nagtalinaed iti kostodyar ti pulisya ti ili Burgos dagiti agkarruba a da Marcelo Domingo agtawen ti 61, ken ni Wilson Pablo agtawen ti 54, agpada a naasawaan, agpada a mannalon ken agpada a residente iti Bgy. Buduan iti ili a Burgos kalpasan a naarestar dagitoy ken saan nga insigida a nakapagpiyansa.
Daytoy ket gapu iti kaso a sangsangwen da a panagsalunagsing iti PD 705 wenno Revised Foretsry Code of the Philippines.
Naipaayan dagitoy ti gundaway nga agpiyansa iti sag 40 a ribo a pisos ngem saan da a nairamedyaran.
Ni Hon. Judge Conrado Ragucos iti RTC branch 19, itiu ili a Bangui, Ilocos Norte ti nangiparuk-at iti nasao a warrant of arrest.
