LAOAG CITY – Natiliw dagiti agkasinsin babaen ti bileg ti dua a warrant of arrest nga inserbi ti PNP-Bangui, Police Intelligence Team ti Ilocos Norte, Regional Intelligence Unit 3 ti Tarlac, ken HPG 1st PMFC, iti Barangay Nagbalagan iti ili ti Bangui.
Nabigbig dagitoy nga isuda Alvin Garcia y Palpallatoc, 22, naasawaan ken residente iti nasao a barangay ken ni Edmar Garcia y Lantano, 27, addaan ti live in partner ken residente idiay Pedro Elquines Mayantoc, Tarlac.
Ti warrant of arrest ket inparuk-at ni Hon. Judge Ronald Leo Haban iti RTC 66 idiay Capaz, Tarlac a napetsaan ti Oktubre 24, 2018 gapo iti kaso dagiti agkasinsin a Serious Illegal Detention with Rape.
Awan met ti nairekomendar a pyansa dagiti nasao nga akusado.
