LAOAG CITY – Natiliw ti maysa nga aglaklako ti uring babaen ti naiyuswat a drug buy bust operation iti Brgy. 3 ditoy siudad ti Laoag.
Nabigbig ti suspek a ni Simeon Cabarubias, agtawen ti 56, ken residente iti Brgy. 56-B Bacsil South ditoy siudad.
Nakagatang ti nagpammarang a gumatang iti iligal a druga iti uppat a sachat a naglaon ti maipagarup a napagango a bulong ti marijuana nga agbalur iti 500 a pisos.
Malaksid iti daytoy, nakumpirkar pay dagiti otoridad ti bag ti suspek a naglaon iti caliber 22 revolver nga addaan ti lima a bala.
Naglikudan ti suspek a kukua na dagiti nakumpiskar dagiti otoridad.
Maisagsaganan dagiti maipila a reklamo kontra iti suspek gapu iti panaglako ken panagikot na iti maipagarup nga iligal a druga, kasta pay iti panagikot na iti nasao a paltog.
