LAOAG CITY – Natiliw dagiti ag-live in partner iti naiyuswat a drug buy bust operation iti sangwanan a mismo ti pagtaengan da iti Barangay 62-B, Navotas ditoy ciudad ti Laoag.
Nabigbig dagitoy a da Arthur Felipe y Cadlong, agtawen ti 38 ken Maricris Hidalgo Agsalud, agtawen ti 48, tubo idiay Barangay Maasim, Leyte ken agnanaed dagitoy iti Barangay Navotas ditoy ciudad.
Nakumpiskar dagiti kameng ti PNP-Laoag ti 10 a sachet ti iligal a droga, sangaribo a pisos, toother, supot ken dadduma pay a drug paraphernalia.
Mainaig iti daytoy, naglikudan ni Hidalgo a kukua da dagiti nakumpiskar a droga ken kunana a saan da nga aglaklako.
Inpetteng na a maipagarop nga adda ti nakakita a bitbit dagiti otoridad dagiti iligal a droga sakbay da nga inyuswat ti operasyon.
Nagkedked met nga agkomento ni Felipe mainaig iti daytoy.
Naamoan a uppat agingga iti lima a tawenen a sipsiputan dagiti pannakabagi ti linteg dagiti nadakamat nga ag-live in partner.
