LAOAG CITY – Balligi ti niyuswat a search warrant operation iti maysa a pagtaengan iti Brgy. Barong iti ili ti Dingras.
Segun ken ni PSSgt. Bryan Jay Campano, iti PNP-Dingras, naiyuswat ti operasyon babaen ti search warrant nga inyetnag ni Hon. NIDA B. ALEJANDRO, Presiding Judge of RTC, Branch 12 ditoy siudad ti Laoag gapu iti panagikot ti iligal nga armas.
Inbatad na nga imuna a nasukimat dagiti otoridad ti maysa nga sling bag a naglaoan ti caliber 38 a patog nga addaan ti tallo a bala ken kukua ti suspek a ni Gilbert Ay-ay Llanes, agtawen ti 22 ken maysa a security guard.
Kabayatanna, kabayatan ti panagsukimat da ket nakita iti suot nga sling bag ti lolo ni Gilbert a ni Aquilino Llanes y Agliam, agtawen ti 68 ken mannalon ti maysa a caliber 45 nga addaan ti magazine ken 7 a live ammunitions, one empty magazine para iti caliber 45, 4 a pedaso ti live ammunitions ti cal. 45 ken uppat 4 a bala para iti cal. 45 pakairamanan ti maysa a bala ti 9mm a paltog.
Manamnama a sumango iti kaso a panaglabsing iti RA 10591 wenno ti illegal possession of firearms dagiti aglolo.
Kabayatanna, naamoan a bayat ti search warrant operation ket adda ti inusar a body worn cameras dagiti otoridad.
