LAOAG CITY – Inpakaammo ni Acting General Manager Perry Martinez a nairaman ti Ilocos Norte Electric Cooperative a mangbukel ti komite maipanggep iti panagsagana iti Palarong Pambansa 2025.
Segun kenkuana, malaksid iti kuryente ket inpaima pay ti gobierno probinsial ti pakaseknan ti danom.
Inadmitir ni Martinez a nakigtot daytoy gapo ta saan na nga sakopen ti Ilocos Norte Electric Cooperative ti nadakamat a banag.
Inrakurakna a makikoordinarda iti Ilocos Norte Water District General Manager Mr. John Teodoro maipannggep iti nadakamat a banag.
Inpettengna a nakaisubmitirdan ti plano para iti Palarong Pambansa kalpasan a naawatda ti listaan ti nasurok 30 a sports venue ken billeting areas a mausar.
Mainaig iti daytoy, kunana a nakisaritada payen kadagiti mangidadaulo kadagti pagadalan a rugianda ti mangsukat ti transformer-da tapno masigurado nga awan ti agbalin a problema.
Inpanamnama ni Martinez nga urnusenda amin a a parikut seknan iti kuriente ken danom sakbay ti tawen 2025 tapno maipasigurado nga agbalin a naanayas ken naballigi ti Palarong Pambansa a maiwayat ditoy probinsia.
