LAOAG CITY – Nakaawat dagiti agmulmula ti bawang iti ili a Pasuquin ti tulong pinansiyal manipud iti Dept of Agriculture.
Segun ken ni Sangguniang Bayan Member Armando Aguinaldo, Chairman ti Committe on Agriculture ti konseho ti nasao nga ili, 3 a milion a pisos ti inted ti nasao a departamento kadagiti agtaltalon.
Kuna na nga idi pimmasyar ti maysa kadagiti undersecretary ti DA iti ili da ken kinasarsarita na dagiti agtaltalon ket ginundawayan da ti nagkiddaw ti tulong iti nasao nga opisyal.
Kuna ni Aguinaldo a 2 a million a pisos ti inbaga dagiti agtaltalon ngem ninayunan ti opisyal.
Innayon na a maaramat daytoy a paggatang ti bin-i nga imula dagiti agtaltalon ita a panagmumula.
Maipalagip a kalpasan ti panagapit ti pagay ket maysa kadagiti maisaruno a maimula ket bawang.
