LAOAG CITY – Insingasing ni Iloilo Representative ken dati nga Health Secretary Janette Garin a pabakunaan ti Flue ken Pneumonia vaccine dagiti senior citizen, dagiti health workforce, immunocompromised wenno vulnerable sector kagiddan ti pangta ti FLIRT variant.
Iti mensahe nga inpatulod ni Rep. Garin kadagiti media, kunana a manamnama nga ag-mutate ti nasao a virus rason a ngumatngato ti kaso.
Inbatad ni Garin ti napateg a kapabilidad ti health workforce ti pagilian nga i-manage ti kaso para iti kinatalged ti publiko.
Ginutigot ni Garin dagiti addaan ti sintomas nga agpakonsultaren iti doktor tapno nasapa daytoy a makita ken saanen a kumaro pay.
Inlawlawagna a napateg a bantayan dagiti boarders no sadino ti vague symptoms ken ti seasonal a panagbalbaliw ti rason ti panagngato ti kaso ti Flu, pneumonia ken URTIs.
Gapu iti daytoy, kuna ni Garin a napateg ti agresibo a panagbakuna kadagiti senior citizen.
Pinalagipan pay ti agpapanday linteg ti publiko nga ugalien nga agbuggo ti ima, good hygiene practices, umdas a panaginana ken mangan kadagiti nasustansia a makan.
Innayonna a mamati daytoy ti nutritious balanced diet ket isu ti mangsalaknib kadagiti Pilipino tapno labanan ti Flirt variant.
