LAOAG CITY – Ipakammo ni Mrs. Fe Siazon, Human Resource Management Officer ti gobierno probinsial nga agkurkurang dagiti agpapaay a radiologic technologist wenno radtech iti Gov. Roque B. Ablan Sr. Mem. Hospital.
Inbatadna a nabayagen a gutgutigutenda da ti agserserbi a chief of hospital a ni Dr. Walberg Samonte a mangiyendorsar a dagus kadakuada no adda dagiti aplikante.
Inbagana a sipud adda ti tallo a naiyendorsar ket saan pay a nasunutan ken dagiti nadakamat nga aplikante ket saan amin a kualipikado.
Inlawlawagna a maysa kadagitoy ti saan a lisensiado a radtech ngem naala nga x-ray technician.
Kunana a maysa met ti lisensiado a radtech ngem idi matawagan ket naalan a mangidaulo iti radiology department iti maysa a pribado a hospital ditoy probinsia kangrunaanna iti Karmelli hospital.
Innayon ni Siazon nga iti agdama ket awan pay ti aplikante gapu ta bassit dagiti mangal-ala ti Bachelor of Science in Radiologic Technology wenno BS RadTech.
Kabayatanna, inbatad ni Dr. Samonte a mangnamnama daytoy nga iti kabiitan a panawen ket adda ti agaplikar ken maaprobaran nangruna ket manmano laeng dagiti nagturpos ti nasao a kurso.
