LAOAG CITY – Agpili dagiti innem nga en banc commissionner no siasinno ti agbalin nga acting chairman ti Commission on Elections (Comelec).
Daytoy ti inlawlawag ni Atty. John Paul Martin nga apaman nga agepekto ti panaglusulos ni Comelec Chair Andres Bautista.
Inbatad na a daytoy ket agingga nga adda ti dutukan ni Presidente Rodrigo Duterte no siasinno ti mangidaulo iti nasao a komisyon.
Segun kenni Martin, dakkel ti posibilidad na nga aggapo iti ruar ti komisyon ti sumukat kenni Bautista.
Kunana nga ado ti rumrumuar a nagan kas kada Presidential Legal Counsel Salvador Panelo, Cong. Rudy Fariñas ken dadduma pay.
Nupay kasta, inbatad na nga iyuray ti desisyon ti Presidente no siasinno ti ipatugaw na iti komisyon.
Mangnamnama ni Martin no siasinno man ti sumukat kenni Bautista ket maartapan na dagiti nagun-od ti chairman bayat ti panangidaulo na iti nasao a komisyon.
