LAOAG CITY – Inpakaammo ni Mr. Marvin Xavier Vea dagiti kangrunaan a benepisyo ti panagbalin na nga incubatee ti Agri-Acua Technology Business Incubator (AATBI) a nagbinnuligan a programa ti Department of Science and Technology ken ti Mariano Marcos State University.
Segun ken ni Vea, babaen iti nasao a programa ket natulungan dagiti produkto na a makapasa iti microbial test.
Kuna na a daytoy ket kas iti produkto na a pakbet crackers, lettuce chips, banagar wenno ti spice banana-vinegar pakairamanan ti tilapia gourmet sardines.
Immunan nga inpakaammo ni Vea a ti microbial test a kangrunaan a paset ti programa ket isu ti mangipalubos kadagiti produkto da a maminpinsan a mailako iti publiko daytoy.
Innayun na nga addan ti panagbisita dagiti mangidadaulo ti Agri-Acua Technology Business Incubator iti mismo a farm na ken agnanayun a maobserbaran ti panagpatanur da kadagiti raw materials a paggapoan dagiti maar-aramid a produkto da.
