LAOAG CITY – Naibunong kadagiti mannalon dagiti abono, insektisidiyo ken water pump kadagiti mango, rice, vegetable, ken dadduma pay a high-value crops growers iti Brgy. 23 San Andres, Laoag City.
Daytoy ket inted ti gobyerno probinsyal babaen ti Sustainable and Development Center nga idadauloan ni Mr. Edwin Cariño idi Hulyo 10 ita a tawen.
Segun kenni Cariño, dagiti naited nga agri-inputs ket para ti rehabilitation dagiti 8,300 a poon ti mangga ditoy probinsya.
Inpaay da daytoy tapno adda ti dagus nga usaren da iti tiempo ti panagsabong dagiti mangga.
Kuna na a dakkel a pakalag-anan dagiti mannalon dagiti naited nga agri-inputs iti magastos da.
Naited ti agdagup 2,500 a bags organic fertilizers, 2,000 bags ti calcium sulfate, 700 bags ti calcium nitrate, 930 liters iti insecticide ken dagiti 25 a de-gasolina a water pump nga indonar met ti maysa a pribado a tao kadagiti maseknan.
Maipalagip ti maysa a problema dagiti mango growers ket dagiti peste a kurikong a mangdadael iti sabong dagitoy.
