LAOAG CITY – Nalukatanen ti Agri -Trade Fair ditoy ciudad ti Laoag kas paset ti selebrasyon ti Pamulinawen Festival 2026.
Daytoy ket mangipakpakita ti puso, talento ken napinget a panagtrabaho dagiti lokal a mannalon, mangngalap, processors, ken Micro, Small, and Medium Enterprises (MSMEs) ditoy ciudad ti Laoag.
Indauluan ni Mayor James Bryan Alcid, Vice Mayor Rey Carlos Fariñas, ken dagiti kameng ti konseho ditoy ciudad iti pananglukat ti Agri -Trade Fair.
Segun kenni Engr. Shiela Opelac, ti mangidadaulo iti City Agriculture Office ditoy ciudad ti Laoag, ti nasao nga aktibidad ket simbolo ti panagkaykaysa iti panangitandudo kadagiti produkto iti agrikultura ken negosio dagiti umili.
Inayonna a babaen iti daytoy ket masuportaran dagiti bukod a produkto ditoy ciudad ti Laoag, ken mapadur-as ti agri-industrial community.
