Agbalor ti P3.9 bilion ti nadadael iti 66,000 hectares a mula iti intero a pagilian gapu iti El Niño phenomenon.
Segun ken ni Task Force El Niño Assistant Secretary Joey Villarama nga agdagup iti 103 a siudad ken ili, pakairamanan ti lima a probinsia, ti naideklara ti state of calamity gapu iti pannakadadael ti El Niño, partikular ti pinagkurang ti danum kadagiti irigasion.
Nupay dakkel a paset ti pagilian ti apektado iti El Niño, lima a probinsia ti adda iti state of calamity gapu iti nakaro a tikag.
Dagitoy ket ti Occidental Mindoro, Antigo, Sultan Kudarat, Basilan ken Maguindanao del Sur.
Malaksid iti daytoy, namnamaen ti gobierno a makasubli pay laeng dagiti mannalon iti 78% kadagiti 66,000 nga ektaria a nadadael a mula.
Kabayatanna, agararamid ti wagas ti gobierno kadagiti short ken long-term solution tapno masolbar ti kinakurang ti danum, a kaaduanna a maus-usar iti irigasion kadagiti mula.
