LAOAG CITY – Nakitaan ti panagdur-as dagiti adda iti sektor ti panagtalon maipapan iti panagusar ti bank loans tapno masupusupan dagiti kasapulan a puunan iti panawen ti panagmula ken panagraep.
Rimuar iti datos manipod iti naisayangkat a survey ti Bangko Sentral ng Pilipinas manipod kadagiti sakupen daytoy a bank a pakairamanan dagiti private universal and commercial banks, private thrift banks, private rural and cooperative banks ken government-owned banks malaksid pay iti digital banks.
Ti panangisayangkat ti panagadal ket kagiddan ti panangrugi ti pannakaipatungpal ti Repblic Act No. 11901 wenno Agriculture, Fisheries and Rural Development Financing Enhancement Act of 2022.
Gapu iti daytoy, ti survey ket agserserbi kas baseline data para iti pannakamonitor ti panangipabulod dagiti bangko.
Mamati dagiti eksperto a no agtultuloy ti panagbinnulig ti agriculture ken banking sector ket ad-adda pay a dumur-as a makaaramid ti positibo a resulta iti publiko a mangnamnama kadagiti produkto at serbisioda.
