LAOAG CITY – Nabirukan ti agruprupsan a bangkay ti maysa a lalaki idiay Barangay 13, Dolores, Paoay, Ilocos Norte.
Binigbig ni Nelson Evangelista ti agruprupsan a bangkay a ni Aries Robin Arquilada, agtawen iti 41 ken residente met laeng iti nasao a barangay.
Basar iti report, adda ti napan nagreport ken ni Barangay Chairman Jerry Bajo nga adda ti nabangsit nga angot manipod iti balay ni Arquilada.
Gapu ti daytoy, napan inreport a dagus ti kapitan iti PNP ken iti panagturong da iti lugar kadwa da ni Miss Joy Mabasa kasinsin ni Arquilada ket nakita da ti agruprupsan a bangkay ti nasao a biktima iti uneg a mismo a kwarto na.
Naamoan nga agmaymaysan nga agbibiag ni Arquilada ken agarop liman nga aldaw a saan a nakita ti biktima sakbay a nakita ti bangkay na.
