LAOAG CITY – Kinumpirmaran ni Atty. Joel Ginez, ti provincial supervisor iti Comelec ditoy probinsya nga Ilocos Norte ti kaadda da idiay Lanao del Norte.
Daytoy ket tapno mapan da agobserbar mainaig iti plebesito para ti pannakataripikar ti Bangsamoro Organic Law (BOL).
Segun kenkuana, saanda a makibiang kadagiti election officer iti nasao a lugar no di ket mapan da laeng tumulong para iti distribusyon ti election paraphernalia.
Innayon a nga aniaman ti makalap da nga impormasyon ket direkta nga idanun da iti central office iti Comelec.
Mainaig ti daytoy, inbatad ni Ginez a natalna iti nasao a lugar gapu ta ado dagiti kameng ti pulisya ken militar nga agbanbantay.
Kuna na pay nga iti kada dua a kilometro ket adda ti maiyus-uswat a checkpoint.
