LAOAG CITY – Naaktwan a mismo ti bombo radyo ti panagsusugal dagiti agarop 14 a tattao iti minatay da Barangay Kagawad Arnold Cagat iti Barangay 22, Nagbacalan, Paoay, Ilocos Norte.
Saan laeng a basta agay-ayam dagiti maseknan no di ket nakita pay ti Bombo radyo dagiti rinibo a pisos a possible a pustaan dagiti maseknan.
Kinumpirmaran ni kagawad Cagat a dandanin agmakabolan a nakamansayag ti kabsat na.
Inadmitir na pay nga ammo na a maipawil ti agsusugal ngem agserbi laeng daytoy a pagdadanggayan da nga agkakarruba bayat ti panagbantay da ti minatay da.
Naamoan pay ti bombo radyo nga adda ti anak ti barangay kagawad a kameng ti PNP iti ili ti Paoay.
Mainaig ti daytoy, inbatad da Barangay Chairman Teresita Bacud ken ni Police Senior Inspector Grandeur Tangonan, hepe ti PNP-Paoay a saan da nga ammo nga adda ti mapaspasamak a panagsusugal iti minatay da Barangay Kagawad Cagat.
