LAOAG CITY – Manamnama nga agbayad dagiti makinkukua iti container ship a nangdungpar iti Francis Scott Key Bridge ti Baltimore iti nasurok a $100-Million a danyos.
Daytoy ti inwaragawag ti Department of Justice ti Estados Unidos.
Ti Grace Ocean Private Limited ken Synergy Marine Private Limited, dagiti kompania a makinkukua ken mangpatpataray iti Dali ket immanamong a mangbayad, taononmarisuten ti isyu.
Maipalagil nga idi Marso 26 ket napasamak ti a panakadungpar a nakatayan ti innem ken nangitunda ti oil spill iti karayan no sadinno nga ibilang ti Department of Justice daytoy kas maysa kadagiti kadadaksan a basol.
Agbayad da dagiti maseknan iti United State Treasury ken dadduma pay a pederal nga ahensia a direkta a naapektaran iti pannakadungpar wenno nairaman iti daytoy.
