LAOAG CITY – Inyistorya ni Mr. Ferdinand Jacinto iti Barangay 29, Sto. Tomas ditoy ciudad ti Laoag, agtagikua kadagiti baboy a nagpositibo iti ASF no kasano ti nakapamay-an dagiti taraken na.
Segun kenni Jacinto, idi Agosto 23, aldaw ti Lunes ket adda ti dua a natay a taraken na ken dagus na nga inkali ken saan na a ninamnama nga iti kabigatan na wenno idi Martes ket dua manen a baboy na ti natay.
Gapo iti daytoy, dagus na nga inreport iti DA ken napan pay iti lugar ni Dr. Arthur Cabello, ti city veterinarian.
Kunana a sakbay a natay dagiti uppat a taraken na ket adda ti naalisan a baboy na ken dagiti dadduma pay ken napigsa met.
Inbatad na nga idi kalman ket naipakammo kenkuana a positibo iti ASF dagiti natay a baboy na, ken daytoy ti maysa kadagiti rason a saan unay a rumrumuar kas balakad met laeng kenkuana.
Mainaig iti daytoy, kuna ni Jacinto nga addan ti dua a lawas ti n apalabas sipud napan iti lugar da ti technician nga isu nag-inject kadagiti baboy.
