LAOAG CITY – Naglikudan ni Barangay Chairman Sonny Galam iti Barangay 8 iti ili ti Bacarra ken agtagikua iti paglakoan ti arak iti Barangay 1, Sta. Rita nga agplaklako ti arak ken agpapainom iti dis-oras iti rabii.
Segun kenni Galam, saan na nga ipalubos ti panaggi-inom iti nasao a pasdek negosyo.
Nupay kasta, kuna ni Galam a no adda dagiti gumatang nga aglabas ket saggaysa laeng met ti inumen da ken saan da nga agpatingga agingga iti dis-oras ti rabii.
Inpetteng na a no alas-onse iti rabii ket agrikepen ti pasdek negosyo na nangruna ket adda met ti masursurot a curfew hour.
Kabayatanna, saan nga ammo ni Galam no anya ti rason dagiti alegasyon ngem kunana a posible nga adda ti gura na kenkuana.
Ummuna iti daytoy, adda ti alegasyon nga aglaklako ken agpapainom ti nasao a pasdek negosyo agingga iti dis-oras ti rabii.
