LAOAG CITY – Nagun-od ni Jaoquin Dominic Tuzon, agtawen ti 14 ken taga ditoy ciudad ti Laoag ti balitok a medalya iti pannakisalip na taekwondo sparring idiay Korea.
Daytoy ti inpakaammo ti coach na a ni Mr Glenn Buenafe.
Segun kenni Buenafe, ni laeng Tuzon ti na-qualify a makisalip iti nasao a kompetisyon.
Inbatad na a nagturong ni Tuzon idiay Korea idi Oktubre 26 ken adda ti laban na idi Oktubre 28 ken idi kalman.
Kuna ni Buenafe a nagpaot ti tallo a tawen ti panagensayo da sakbay a na-qualify kas maysa kadagiti mangibagi ti Pilipinas iti nasao a pasalip..
Manamnama met nga agselebrar da apaman a makasangpet ni Tuzon ditoy pagilyan.
Innayon ni Buenafe nga addan to pay ti laban ni Tuzon intono Nobyembre 4 idiay Manila.
