LAOAG CITY – Mapupukaw ti menor de edad a lalaki nga agtawen iti 13, residente iti Barangay 7, San Miguel, San Nicolas, Ilocos Norte.
Naamoan nga idi Hulyo 17 ket pimmanaw ti menor de edad a ni Marvin Sabaquin iti balay ti ama na idiay ili ti Currimao ken napan imyan iti balay ti pagayam na iti ili a San Nicolas.
Segun ti report, idi Hulyo 18 ket pimmanaw ni Marvin iti balay ti pagayam na ken naglugan ti bus nga agturong idiay ili ti Currimao.
Nupay kasta, naamoan a san a nagaw-awid ti menor de edad iti balay ti ama na idiay ili ti Currimao.
Agpapan maisursurat daytoy a damag ket saan pay a nagawid ni Marvin a nakasuot ti yello T-shirt, dirty short, ken adda bagpack na nga agmaris ti nangisit.
