LAOAG CITY – Naileppas ti agtawen iti 88 a ni Ploutarchos Pourliakas ti 41st Authentic Marathon of Athens daytoy.
Inbatadna a saan a lapped ti tawenna ken naileppasna ti marathon iti uneg ti innem nga oras ken 31 a minuto.
Al-alisto ita isuna ti 18 a minuto maidasig iti napalabas a tawen.
Naammoan a kinablaawan isuna dagiti annak ken apokona kalpasan a nadanonna iti finish line.
Nangrugi daytoy a nakipaset kadagiti marathon iti tawenna a 73 iti ili ti Kastoria, northern Greece.
Daytoy ti maika-12 a gundaway a naileppasna ti marathon.
Iti panagsanayna tunggal adda ti marathon ket agtartaray isuna ti uppat agingga lima a kilometro iti kada aldaw wenno agingga iti 20 a kilometro met iti weekends.
