LAOAG CITY – Maysa nga agtawen iti 90 a lolo idiay Hungary ti nakagun-od ti world record gapu ta isuna ti kataengan a competitive fencer iti intero a lubong.
Kinumpirmaran ti records keeping organization a Guinness World Records a ni Peter Boros ti record holder iti titulo nga “Oldest Competitive Fencer” iti tawenna a 90.
Agtawen iti 17 ni Boros idi nangrugi daytoy iti tay-ak ti fencing kalpasan nga inallukoy isuna ti P.E. teacher-na nga adalen daytoy.
Alisto a nagutigot isuna gapu ta fencer met ti amana ken addaanda ti fencing equipment iti pagtaenganda no sadinno nairaman isuna kas maysa kadagiti kataengan a fencing club ti Hungary.
Inbatad ni Boros, saanna nga isarsardeng ti panagay-ayamna iti fencing gapu ta mamati isuna a makapagtalinaed ti nasayaat ken nasalun-at a bagi ken panunutna.
Naammoan a ti agtawen iti 90 a ni Peter Boros ti “Oldest Competitive Fencer” nga inpaay ti Guinness.
