LAOAG CITY – Maysa nga agtawen ti 106 a lolo manipod idiay Texas, U.S.A. ti nakagun-od ti world record iti tay-ak ti skydiving.
Kinumpirmaran ti records keeping organization a Guinness World Records a ni Alfred “Al” Blaschke ti baro a world record holder ti titulo nga “Oldest Person to Tandem Skydive.”
Saan daytoy ti umuna a daras a napadayawan ni Blaschke ti nasao a world record title gapu iti 2020 ket naipaima kenkuana daytoyen idi isuna ket nag-skydiving iti tawenna a 103.
Nupay kasta idi 2022, nagun-od ni Rut Linnea Ingegard Larsson ti titulo idi ag-skydive daytoy iti Sweden iti tawenna a 103 ken 259 nga aldaw.
Isu nga idi Nobiembre 27, 2023, pinadasna a maisubli ni Blaschke ti titulo iti tawenna a 106. Karaman ni Blaschke iti panag-skydive ti governor ti Texas a ni Greg Abbott. Idi ag-landing, sinabat ni Blaschke dagiti annakna, apoko ken apoko iti tumeng tapno kablaawan isuna ti Guinness World Record.
