LAOAG CITY – Pimmusay ti maysa nga ubing a babai nga agtawen ti 11 a nalmes iti iti Sitio Lusong, Brgy. 29, ditoy Ciudad ti Laoag.
Nabigbig ti biktima nga agtawen ti 11, estudiante, ken residente iti nadakamat a barangay.
Segun kadagiti otoridad, agarup 12:50 ti malem a naireport kadakuada ti napasamak nga insiddente ken naisalbar ti biktima itioras 4:43 ti malem, idi laeng kalman.
Basar iti imbestigasion dagiti kameng ti Philippine National Police ditoy ciudad a dumaldalyasat ti biktima a kaduanana dagiti kasinsin ken kakabsatba iti Padsan Rovere iti nasao a lugar no sadinno a nakita ti biktima a malmalmesen.
Mainaig iti daytoy, dagos a nagresponde dagiti kameng ti Philippine Air Force, Special Action Force, Philippine National Police ditoy ciudad, Department of Public Safety, Philippine Coast Guard ken City Disaster Risk Reduction Management Council.
Kabayatanna, nagtalinaed iti Governor Roque B. Ablan Sr. Memorial Hospital ti biktima a ngem bayat ti pannakatamingna ket saanen a nakalasat.
