LAOAG CITY – Nagballigi dagiti otoridad a nangtiliw ti maysa a lalaki nga adda iti Street Level Target Category ti Philippine National Police (PNP) ditoy ciudad ti Laoag.
Daytoy ket kalpasan ti naiyusuat nga anti-illegal drug buy bust operation iti paset ti Bgy. 3 ditoy ciudad ti Laoag a no sadinno a maysa a pulis ti nagpammarang a gumatang iti maipawil a druga.
Nabigbig daytoy a ni alyas Onyol, agtawen ti 15, residente ti Barangay Zamboanga ditoy ciudad ti Laoag.
Naala iti ikot ti suspek ti maysa a transparent ziplock a naglaon ti napagango a bulong ken bukel ti marijuana, 100 a pisos a marked money, 220 a pisos, maysa a cellphone ken ti bisikleta na.
Naamoan a malaksid ti panaglako ti menor de edad ti illegal a droga ket adda pay isuna iti watchlist gapu iti kaso a panagtatakaw ken maipagarop pay a kameng iti akyat-bahay gang.
