LAOAG CITY – Natay kalpasan napitpit ti ulo ken natukkol dagiti dua a saka ti maysa a lalaki kalpasan ti pannakadesgrasya na iti Rizal St., Barangay 6 ditoy ciuad ti Laoag.
Ti biktima ket agtawen ti 20, baro ken residente iti Barangay 48-B, Cabungaan ditoy ciudad.
Segun kenni Police Sergeant Mark Briones iti PNP-Laoag Traffic Division, nakainom ti nasanger ti biktima ken bayat nga agpapalaud ket nadungpar na ti sign board ken konkreto nga alad.
Gapo iti daytoy, naitupar ti ulo na iti daytoy ket dagus met a naitaray iti Gov. Roque Ablan Senior Memorial Hospital ditoy ciudad ngem pimmusay.
Agpapan maisursurat ti damag ket saan pay a masinunuo no naggapoan ti biktima idi napasamak ti desgrasya.
