LAOAG CITY – Iggemen dagiti otoridad ti suspek iti panangpaltog ken ni Charlie Kirk.
Kinumpirmaran ni Federal Bureau of Investigation Director Kash Patel a natiliwdan ti suspek a ni Tyler Robinson.
Inbatadna a no ania ti bado ti suspek idi aldaw nga inaramidna ti pammaltog ket isu met ti badona idi naarestar daytoy.
Mainaig iti daytoy, inrakurak ni Utah Governor Spenser Cox a saan nga estudiante ti Utah Valley University ti agtawen ti 22 a suspek.
Agtultuloy ti maiwaywayat nga imbestigasion dagiti otoridad no ania ti motibo ti suspek iti nasao a pammaltog.
Ibilang ni Cox a ti panangpatay ken ni Kirk ket panangatake ti amin.
Innayonna a ni Kirk ket pinapatay kabayatan ti freedom of expression a narigat para kadagiti tattao a saanda a kabaelan a mangipaay ti ideya ken nawaya nga agsarita.
