LAOAG CITY – Balligi ti inyuswat dagiti kameng ti Philippine National Police (PNP) a drug buy-bust operation iti Barangay 2 ditoy ciudad ti Laoag.
Ti suspek ket agtawen ti 28, awanan ti asawa ken residente iti Sitio Maharlika, Barangay 1 ditoy ciudad.
Iti operasyon, maipagarop a naglako ti suspek iti police poseur buyer ti iligal a droga nga agdagsen ti 0.9 grams.
Malaksid iti daytoy, nakumpiskar pay manipud iti suspek ti innem a sachet a naglaon ti maata a shabu nga agdagsen ti 9.8 grams pakairamanan dagiti drug paraphernalia, ken motorsiklo.
Amin a nakumpiskar dagiti otoridad a maipagarop nga iligal a droga manipud iti suspek ket 10.7 grams nga agbalor ti 72,760 pesos.
Naamoan a ti suspek ket maibilang nga street level individual.
Kabayatanna, ti suspek ket sumango iti kaso a panaglabsing iti Republic Act 9165 wenno Comprehensive Dangerous Drugs Act of 2002.
