LAOAG CITY– Natay ti maysa a lakay kalpasan a nakidinnungpar iti maysa a van bayat a nakamotorsiklo iti Brgy. Bungcag iti ili ti Dingras.
Nabigbig ti biktima a ni Herculano Bolibol, agtawen ti 60 ken residente iti Brgy. 21 Parang iti ili ti Sarrat.
Segun kenni P/Supt. Relly Arnedo, hepe ti PNP Dingras, naggapo ti biktima iti maysa a reunion ken agawid kuman usar na ti binulod na a motorsiklo idi ta naidungpar iti immovertake a van iti maysa a kurong-kurong.
Gapo ti kinapigsa ti impact, dagus a natay ti biktima idinto a nasugatan ti dryaber ti kurong-kurong.
Naamoan nga awan ti silaw ti motorsiklo nga inturong ti nasao a biktima.
