LAOAG CITY – Natay ti maysa a lakay kalpasan a nagbekkel iti paset ti Brgy. Valdez iti ili ti Banna.
Nabigbig ti biktima a ni Amor Aguilar y Coloma, agatawen ti 60, maysa a mannalon ken residente iti nasao a lugar.
Nagbekkel ti biktima iti paset ti pagtartaraknan na ti baboy ken inusar na ti tali.
Kuna ni Senior Inspector Artemio Clemente, hepe ti PNP Banna, inbitin ti lakay ti bagi na iti uneg ti ubong ti baboy.
Rumrumuar a ti rason ti nagpakamatayan na ket ti sagsagabaen na a sakit.
