Maysa a lalaki nga agtawen ti 65 ti nagtakaw iti banko iti 300 South Main Street idiay Salt Lake City iti gatad a $1 wenno P55.
Segun kadagiti otoridad, maipagarup a simrek iti Wells Fargo Bank ti lalaki ket inyawatna kadagiti bank teller ti maysa a note nga agkidkiddaw iti maysa a doliar.
Nupay mariro ti bank teller ken sinurot da ti ‘kiddaw’ ti suspek ket ninamnamada a pumanaw a dagus.
Mainaig iti daytoy, kalpasan ti insidente ket nagkiddaw ti suspek iti teller a tumawag iti polis ken urayenna daytoy iti uneg ti lobby ti banko.
Inpeksa pay ketdi ti suspek ti pannakauma nga agururay kadagiti otoridad.
Idi simmangpet dagiti polis, dagus nga inyawat ti suspek ti maysa a doliar a tinakawna ket kiniddawna a kayatna ti maibalud iti federal prison.
Innayonna a no saan a maibalud iti federal prison ket agaramid manen iti panagtakaw inton rummuar iti pagbaludan.
Naammoan a kayat ti lalaki ti maibalod gapu ta kayat na makaawat ti libre a medical healthcare.
