LAOAG CITY – Maysa nga agtawen ti 80 a mangisursuro idiay China ti nakagun-od ti world record gapu iti mano a dekada daytoy a panangisuro kas language teacher.
Kinumpirmaran ti records keeping organization a Guinness World Records a ni Yeyu Ying ti agdama a world record holder ti titulo a “Longest Career as a Language Teacher (female).”
Daytoy ket kalpasan nga 64 a tawen ken 33 nga aldaw nga agserserbi kas language teacher.
Nangrugi ni Ying iti panangisuro iti maysa a rural elementary school iti Zhejiang Province iti tawenna a 17.
Nagretiro isuna idi 1999 iti tawenna a 55 ngem napanunutanna a mangipasdek ti bukudna a pagadalan, ti Yuying Elementary School.
Nupay man isuna ti akinkukua ti pagadalan, maysa isuna kadagiti mangisursuro iti nasao nga eskuela. Iti agdama, mangisursuro daytoy ti innem a klase ti Chinese language iti maysa a lawas.
Iti kinataengna, inaldaw nga agririing ni Ying ti alas singko ti bigat tapno makapagsagana a sumrek iti pagadalan ti alas siete y media.
Isuna pay laeng dagiti agisagsagana ti lesson plan ken awan ti assistant wenno sekretarya.
Iti innem a dekada ti panagbalin a mangisursuro, maysa kadagiti nariparna ket al-alisto ti panagaramid ti lesson plan ita gapu iti technology kas ti computer, printer ken dadduma pay.
Kunana nga isursuratna pay laeng amin a lesson plan daytoy idi mangrugrugi pay laeng a mangisuro.
Malaksid iti panangimatonna iti pagadalan, plano pay ni Ying a mangipasdek ti nursing home para kadagiti padana a nataenganen.
Naammoan a ni Yeyu Ying ti world record holder ti titulo a “Longest Career as a Language Teacher.”
