LAOAG CITY – Pinaneknekan ti agtawen iti 88 a ni Ploutarchos Pourliakas a ti tawen ket saan a lapped iti determinasion kalpasan a nakumpletona ti Athens Marathon ita a tawen ti maika-12 a pannakipasetna iti naisangsangayan a marathon.
Ti Athens Marathon a mabilang a “The Authentic,” ket maiyuswat iti tinawen iti kapada a ruta a tinaray ti messenger a ni Phiedippides, 2,500 tawenen ti nalapabas.
Iti agdama, ti ruta manipud iti Tomb of Marathon nga agturong iti Panathenaic Stadium ket maysa a simbolo ti kinatibker ken dedikasion para iti marathoners iti intero a lubong.
Iti baet ti tawenna, pinaspasan pay ni Pourliakas ti orasna ita a tawen, naileppasna ti 42.195 kilometers iti uneg ti 5 oras ken 31 minuto, al-alisto ngem 18 a minuto maidasig iti record daytoy iti napalabas a tawen.
