LAOAG CITY – Maysa nga agtawen ti 90 a lolo idiay Estados Unidos ti nakagun-od ti world record gapu ta kabaelanna pay laeng nga agtrabaho kas truck driver iti baet ti kinataengna daytoy.
Kinumpirmaran ti records keeping organization a Guinness World Record a ni Doyle Archer ti baro a record holder ti titulo a “World Oldest Truck Driver” iti tawenna a 90.
Inbatad ni Archer, nangrugi daytoy nga agbalin a truck driver iti tawenna a 30 no sadino ket nakaiturong daytoyen ti 5.5 million miles iti uneg ti 60 a tawen a panagbalinna kas truck driver.
Kabayatanna, adda ti 26 nga apoko iti tumeng ni Archer ken naragsakda amin para iti Guinness World Record holder ti loloda.
Iti agdama, awan pay ti plano nga agretiro ni Archer kas maysa a truck driver.
