LAOAG CITY – Kinumpirmaran ni Police Lt. Rudy James Jacalne, ti chief of police ti PNP-Piddig ti pannakarames ti agtawen ti innem babaen iti dati a tanod.
Segun kenni Jacalne, ti suspek ket atgawen ti 24, dati a Barangay Tanod iti Barangay Tangaoan ngem agdama nga agnanaed iti Barangay Lagandit.
Inbatad na nga inpakammo kadakuada ti kapitan ti barangay nga adda ti maipagarop a napasamak a panagrames rason a dagus da a nagturong iti lugar.
Iti insayangkat da nga imbestigasyon, naggi-inom ti suspek ken ti ama ti biktima ken iti agarop 3:30 ket ditoy a rinames ti suspek ti ubing.
Rumrumuar nga inappot ti suspek ti ngiwat ti biktima bayat ti panangundaway na iti menor de edad.
Kunana a kalpasan ti pasamak ken dagus nga inpulong ti biktima iti ina na ti inaramid ti suspek ken insigida nga inreport da iti kapitan nga isu ti nangitawag iti PNP.
Kunana a basar iti medical ti ubing, positibo daytoy ti laceration. Kabayatanna, natiliw metten ti suspek ket maisagsaganan ti kaso a maipila kontra iti daytoy.
