LAOAG CITY – Natay ti maysa nga ubing kalpasan a nalmes iti bislak river a masapolan iti Brgy. 16 iti ili ti Bacarra.
Nabigbig ti biktima nga agtawen ti lima ken residente iti Brgy. Duripes iti nasao nga ili.
Inbatad ni PLt. Marlon Lorenzo, ti deputy chief of police iti PNP-Bacarra a basar iti naiyuswat nga imbestigasyon, napan nagpicnic iti nasao a karayan ti pamilya ti biktima.
Kuna na a nagdidigus dagitoy kadua na dagiti pada na nga ubbing.
Inpakaammo ni Lorenzo ng iti leppas pangaldaw kalpasan ti panangan dagitoy intuloy da ti nagdigus iti karayan.
Kabayatanna, inbatad na a kalpasan ti sumagmamano a minutos ket naripar ti pamilya a nga awan ti biktima nga agdigdigus iti karayan.
Gapu iti daytoy, nagbirok ti pamilya ket dita a naduktalan nga agtatapaw ti bangkay ti ubing adda agarup 15 a metro ti kaadayo manipod iti cottage.
Dagus a naitaray iti ospital ti biktima ngem saanen a nakalasat pay.
