Nagsagaba ti sugat iti akin-kannigid a paset ti bagi ti ubing nga agtawen ti maysa.
Daytoy ket kalpasan a nasapgud ti tricycle a dumaldalyasat iti national highway a paset ti Brgy. Peralta iti ili ti Dingras.
Basar iti report manipod iti PNP Dingras, kabayatan nga adda iti igid ti kalsada ti ubing ket kellaat a naside-swipe ti tricycle nga agpapalaud a direksyon rason a nasapgud ti ubing.
Gapu iti daytoy, naitaray ti biktima iti Governor Roque Ablan Senior Memorial Hospital para iti pannakataming na ken manamnama a dumalan iti ct-scan.
Kabayatanna, saan a nabigbig ti nangiturong ti tricyle agsipod ta nakalibas daytoy.
Iti agdama ket agtultuloy ti imbestigasyon ti PNP Dingras iti nasao nga insidente ken ti pannakabirok iti suspek.
