Agtultuloy ti panangbirok dagiti otoridad iti maysa a lalaki nga agtawen ti 10 kalpasan a nalmes iti dam iti Sitio Escondido, Brgy. 34-Dariwdiw iti siudad ti Batac.
Segun iti ama ti ubing a ni Mr. Joselito Simbolan, nagturong da iti dam kalpasan ti papanda panagiwarwar kadagiti tarakenda iti bantay.
Inbatad na nga iti floating cottage nga adda iti dam ti nagtalinaedanda kadagiti uppat nga annakna pakairaman ti agtawen ti 10.
Nu pay kasta, kuna na a napan nagdidigus ti annak na nu sadino a ti biktima ket nagpatapaw usar na ti maysa a kawayan.
Kabayatanna, inpakaamo ni Simbolan nga iti pannakairidep na bayat nga agdidigus dagiti annakna ket kellaat a pinagunyanda gapu iti malmalmes nga anak na.
Gapu iti daytoy, dagus a timampog ni Simbolan iti danom tapno arayaten na koma ti anak na.
Nu pay kasta, inbatad na a nu man nangeg na pay laeng ti areng-eng ti anakna nga agpapa-arayat ket saan na a naalaw gapu ta nagderderetso a limned.
Rumrumuar a nakaibbat iti kawayan a pagpatpatapawan ti biktima isut gapu na a nalmes.
