LAOAG CITY – Agtultuloy ti pannakarikna dagiti residente idiay Hawaii ti aftershocks kalpasan ti panagdayyeg ti 6.9 magnitude a ginginned iti nasao a pagilian.
Daytoy ti inpakaammo ni Bombo Correspondent Manny Pascua idiay Hawaii iti eksklusibo a pannakiuman ti Bombo Radyo Laoag.
Kuna na a gapu ti panagdayyeg na idi kalman ket nangitunda ti panagpukaw ti kuryente iti las-od ti nasurok maysa nga oras ken naapekataran ti nasurok 14 a ribo a konsumer ti Hawaii electric Company iti daya a paset ti nasao a pagilian.
Segun kenni Pascua, naisardeng ti operasyon ti Geothermal plant iti asideg ti pagpuspuswakan ti lava idiay Puna District.
Inbatad na a naapektaran dagiti 60 nga empleyado iti nasao a planta ti kuryente ken sumagmamano kadagitoy ket Ilokano a taga Ilocos Norte ken Ilocos Sur
Innayon ni Pascua nga agoperar ti geothermal plant babaen ti pudot manipud iti Kilauea volcano nga agdama nga agal-alburuto a mangipapaay iti panagbuteng dagiti tattao iti nasao a pagilian.
