Agtultuloy ti panangipaay ti simpatia ken ladingit kalpasan ti ipapatay ti atleta a ni Mervin Guarte.
Nabagkong ni Guarte kabayatan ti pannaturogna iti pagtaengan iti pagayamna idiay Calapan City, Oriental Mindoro iti nasapa a bigat ti Martes.
Indauluan ti Philippine Sports Commission ti pannakipagriknana iti pamilia ni Guarte ken nalagipda ti balligina ken dinayawda ti kinalaingna iti isports.
Uray ti Dua a daras nga Olympian ken pole vault star a ni EJ Obiena ket emosional kalpasan a nangngegna ti napasamak iti pagayamna.
Nakagun-od ti agtawen 33 a ni Guarte iti dua a balitok a medalya iti obstacle course racing iti Southeast Asian Games idi 2019.
Umuna iti amin, nangipaay ti Philippine Air Force ti pannakiladingit ken ni Guarte, maysa nga Airman First Class a nakikadua iti Philippine Air Force babaen iti direct enlistment idi 2015 ken naidestino iti Lipa, Batangas.
