LAOAG CITY – Agtultuloy ti pannakaibakwit dagiti residente kadagiti naapektaran a lugar iti nakaru a panagtennag ti dapo nga ipugpugso ti Taal Volcano idiay Batangas.
Daytoy ti kinumpirmaran ni Major Miko Magisa, spokesperson iti 2nd Infantry Division, Philippine Army iti ekslusibo ng innuman ti Bombo Radyo.
Kuna na nga agtultuloy ti panagipaay da ti relief goods, dagiti kasapulan da iti evacuation center ken tulong medical wenno medical doctor gapu ti posible a pasaren dagiti residente a trauma.
Segun kenni Magisa, ti probinsya Batangas ti kangrunaan a naapektaran ti ashfall kangrunaan dagiti ili nga adda iti asideg ti taal volcano.
Umaboten ti agarup 29 a ribo nga indibidwal wenno katukad ti nasurok innem a ribo a pamilya dagiti naibakwit manipud kadagiti nagduduma a lugar.
Nagtalinaed dagiti residente kadagiti evacuation center a naiyestablisar iti 34 a munisipyo ken siudad iti probinsya ti Batangas.
Paset ti panagsarita ni Major Miko Magisa, spokesperson iti 2nd Infantry Division, Philippine Army.
Local News
Kinumpirmaran ni Major Miko Magisa, spokesperson iti 2nd Infantry Division, Philippine Army nga adda ti 27 a lugan ti Philippine Army nga agtultuloy a mangibiyahe kadagiti residente a nagbakwit gapu ti nakaru nga ashfall.
Kuna na a makaumanay dagiti agarup 500 a soldado nga agtitinnulong para iti rescue operation.
Segun kenni Major Magisa, bukbuklen dagiti soldado a naggapu iti sabali nga Infantry Division ken sabali ti grupo dagiti army reservist nga agtitinnulong para kadagiti residente.
Inpasingked na a kabaelan da a tulungan dagiti tattao nga iyadayo kadagiti napeggad a lugar kas kadagiti napakaruan iti Talisay, San Nicolas, Agoncillo, Lemery, Laurel ken asideg iti dan-ao iti Taal.
Kalikagum ti tropa a maibakwit amin dagiti residente kadagiti nadamakat a lugar ken awan ti problema kadagiti kalsada.
