LAOAG CITY – Agtultuloy ti panagtiliw ti gobierno municipal iti ili a Pinili kadagiti agwarang-warang nga aso.
Daytoy ti inpasigurado ni Mr. Philip Galang, Municipal Agriculturist iti Pinili, Ilocos Norte kalpasan nga adda ti naidanun iti Bombo Radyo seknan kadagiti agwarang-warang nga aso kangrunaan na iti sentro ti nasao nga ili.
Inpetteng na a saan da nga ipalubos nga adda dagiti agwarang-warang nga aso kangrunaan na dagiti maibilang a busy a luglugar iti ili a Pinili.
Inadmitir na a saan laeng a daytoy ti kaunaan a gundaway nga adda ti kastoy a reklamo.
Gapu ti daytoy, immapela ni Galang ti tulong dagiti opisyal ti barangay ken uray dagiti mismon nga agtartaraken wenno dagiti umili.
