LAOAG CITY – Inrakurak ni Ms. Janet Retamal ti mangidadaulo ti Population on Commission ditoy siudad ti Laoag nga adda ti programada a panangtulong kadagiti agtutubo a nagsardeng ti panagadalda.
Segun kenkuana, daytoy ket ti “about to drop out” a nagbibinnuliganda ti City Social Welfare and Development ken iti Department of Education.
Inbatadna nga adda ti 59 a benepisiario iti nasao a programa tapno matulungan ken maituloyda nga agbasa nangruna iti pagpleteda a mapan iti pagadalan.
Mainaig iti daytoy, malidayan gapu ta adu dagita kayatna nga agbasa ngem agkurangda met iti pinansial tapno maituloy ti panagbasada rason a naaramid daytoy a programa tapno matulungan dagiti ubbing a magun-od dagiti arapaapda.
Kabayatanna, kunana a napintas no daytoy ket adaptaren pay dagiti nagduduma a Local Goverment Units tapno sangsangkamaysa a matulungan dagiti estudiante.
