LAOAG CITY – Nakaawat ti maysa nga agtutubo idiay Saudi Arabia ti Guinness World Records gapu iti kinaubingna ket maysa daytoyen a kolumnista iti diaryo.
Kinumpirmaran ti records keeping organization a Guinness World Records a ni Ritaj Hussain Alhazmi ti baro a record holder ti titulo a “Youngest Newspaper Columnist – Female.
Daytoy ket gapu iti tawenna a 15 ket agsursuraten ti Alhazmi iti Arab News Pakistan, maysa nga English newspaper a nakabase idiay Saudi Arabia.
Iti column-na, isursurat ni Alhazmi dagiti topiko kas ti kultura ti pagilianda, environmental issues ken sustainability.
Ubing pay ni Alhazmi ket mahilig daytoyen nga agsurat kadagiti estoria. Idi agtawen ti 12, nakasurat daytoyen ti novel series ken nakaawat daytoy ti Guinness World Record title a “Youngest Person to Publish a Book Series – Female gapu iti daytoy.
Inbatad ni Alhazmi, kalikagumna nga agbalin nga inspirasion iti amin ken ipakita a saan a nasken a lapped ti tawen iti pananggun-od ti arapaap.
